ဘီလူးတို ဇာတ်သိမ်းခန်း---------------------
အရူးတို ရပ်ကွက်က
မထူးဇာတ်ကနေတဲ့ ဘီလူးတိုဇာတ်အဖွဲဟာ
ဇာတ်သိမ်းခန်း နီးလာပြီ
အရုဏ်မတတ်မီ အမှောင်မျိုးနဲ့
ဇွတ်တိုးမိုက်နေတဲ့ သူတိုရဲ့အမိုက်ဇာတ်
အပြီးအပိုင် ရပ်ရတော့မယ်။
နွေဦးရဲ့ ရောင်နီဟာ သားရဲတကောင်လို
သူတိုကို ခုန်အုပ်ဖို စောင့်နေတယ်။
ယမ်းငွေ့ဝနေတဲ့ ကောင်းကင်က
ညိုမှောင်နေတဲ့ တိမ်ရိပ်တွေက
သူတိုအပေါ် သိုင်းဖွဲခြုံရစ်
သွေးဓါးတွေအဖြစ် ခုတ်ထစ်ကြမယ်။
လူထုရဲ့ တောက်ခေါက်သံတွေစုရုန်း
သူတိုအပေါ် ထစ်ချုန်းကြမယ်။
သွေးစက်တွေဟာ
လျှပ်စစ်မြားအလက်လက်တွေအဖြစ်
သူတိုအပေါ် ပစ်ခွင်း
သွေးကြွေးတွေ နှင်းကြမယ်။
မှုန်သီတဲ့ဆောင်းရဲ့ နှင်းမှုန်တွေမှာ
မိခင်တွေရဲ့ မျက်ရည်ငွေ့တွေပါတယ်။
အေးစက်တဲ့ မြောက်ပြန်လေမှာ
ကချင်ပြည်နယ်က နာကျင်မှုတွေပါတယ်။
ကရင်နီပြည်က မီးခိုးရနံ့တွေ ကပ်ညှိပါတယ်။
ချင်းပြည်နယ်က ယမ်းခိုးတွေ တွဲခိုလာတယ်။
ဆောင်းလေဟာ တောင်တန်းတွေလွန်မြောက်လာတဲ့အခါ
တော်လှန်ရေးသေနတ်ပြောင်းမှာ
ယမ်းတောင့်တွေအဖြစ် ဒြပ်ထုဖြစ်သွားတယ်။
ဆောင်းလက်ကျန်ရက်တွေဟာ
သူတိုအတွက် ယတြာမတိုးတဲ့
ကြမ္မာဆိုး ဖြစ်တော့မယ်။
သူတိုဟာ သူတိုရန်သူနဲ့ ဘယ်တုန်းကမှ
စီးခြင်းမထိုးရဲခဲ့ကြဘူး။
ဒီအကြောင်းကို
မြယာတောနဲ့ ရိုးပြတ်ကွင်းတွေက သက်သေခံနိုင်တယ်။
သူတိုဟာ လျှာပြတ်နေတဲ့ မြေခွေးလို
ကိုယ့်သွေးကို ကိုယ်ပြန်သောက်ရင်း
အနာဂတ်ပျောက်နေကြ၊
နွေဦးပုစ္ဆာအတွက် အဖြေရှာရင်း
မိုက်တွင်းလည်း နက်ပြီးရင်း နက်ခဲ့ကြပြီ။
သူတိုရဲ့ ကံဇာတ်ဆရာဟာ ဖေဖော်ဝါရီကပ်ဆိုးမှာ
နတ်ဆိုးတကောင်ဖြစ်သွားတာ သူတိုမသိခဲ့။
ရွေးကောက်ပွဲ နဖားကြိုးထိုးပွဲက
ငရဲသွားလမ်းမှာ နွားဘယ်နှစ်ကောင်ပဲမိမိ
နောက်ဆုံးတော့
ခွေးရေပုရပိုဒ်မှာသာ မှတ်တမ်းကျန်လိမ့်မယ်။
မကြာမီ နွေဦးဟာ ရောက်လာတော့မယ်
ငါတိုရဲ့ နွေဦးဟာ
နှင်းမြူတွေကိုခွင်း ခွာသံပြင်းပြင်းနဲ့
မာန်သွင်းချီတတ်လာပြီ။
နွေဦးရဲ့ စစ်ခရာသံအောက်
ဘီလူးတို ကြောက်ရွံခတွားရမယ်။
နွေဦးရဲ့ သွေးကြွေး
ဘီလူးတို ပြန်ပေးရမယ်။
နွေဦးရဲ့ ရပ်တည်ချက်ဟာ
ဘီလူးတိုဇာတ် အပြီးတိုင် ရပ်ဖို ဖြစ်တယ်။
#CN
01/14/2023
https://www.facebook.com/channyeinmw
