December 2022 ~ ချမ်းငြိမ်း-မှော်၀န်း

0 comments

ချမ်းငြိမ်း-မှော်ဝန်းAction, Movie

Black Adam 2022 မြန်မာစာတန်းထိုး

ရှေးခေတ်တုန်းက Kahndaq ဆိုတဲ့ တိုင်းပြည်မှာ

ကမ္ဘာကြီးကိုကာကွယ်သူမှော်ဆရာတွေက နတ်ဘုရားတွေရဲ့အစွမ်းတွေကို

Teth Adam ကိုလက်ဆောင်ပေးခဲ့ပါတယ်..ဒါပေမယ့်

အဲ့ဒီအစွမ်းတွေကို သူ့ရဲ့ ဂလဲ့စားချေဖို့အတွက်

အသုံးချပြီးတဲ့နောက်မှာတော့ သူ အကျဥ်းချခံထားရပါတယ်

နှစ်ပေါင်း 5000 ကြာပြီး ပြန်လည်နိုးထလာတဲ့ Black Adam က

Superman ၊Wonder Woman တို့နဲ့ လိုက်လျောညီထွေဖြစ်စေပြီး

ဒေါသကြောင့် ပေါက်ဖွားလာတဲ့ သူ့ရဲ့ထူးခြားတဲ့ အစွမ်းတွေက

ကမ္ဘာကြီးရဲ့ ရက်စက်တဲ့ ကာကွယ်သူဖြစ်လာပါတယ်

အခု 21 ရာစုမှာတော့ Black Adam တယောက်

Justice Society အဖွဲ့ဝင် သူရဲကောင်းတွေဖြစ်တဲ့

Doctor Fate၊ Hawkman၊ Atom Smasher နှင့်

Cyclone တို့ကို ရင်ဆိုင်ရမှာဖြစ်ပါတယ်

အဲ့ဒီအပြင်---

Gdrive [1080p Bluray]

Downlaod [3.08GB]

Gdrive [720p Bluray]

Download [1.43GB]

ကျေးဇူးတင်ပါတယ် ချမ်းငြိမ်း-မှော်ဝန်း

0 comments

ချမ်းငြိမ်း-မှော်ဝန်းLiterature, ကဗျာ

ဆောင်းမှတ်တမ်း

ဆောင်းမှတ်တမ်း

---------------

အလင်းမှုန်တွေ မှုန်မှိုင်းနေတဲ့ဒီဇင်ဘာဟာ
ဆောင်းကို သိမ်းပိုက်ဖို့
ရေခဲစစ်သည်တွေနဲ့ ချီတက်လာတယ်။
အလင်းထောင့်ချိုးတွေ ကျဉ်းမြောင်းလာတဲ့အခါ
မိသားစုတွေ နွေးထွေးဖို့
လူတချို့ဟာ နှင်းတောထဲမှာ အလင်းရှာထွက်ကြ၊
တချို့ အလုပ်ဆင်းရဦးမတဲ့၊
တချို့ အလုပ်နားလို့ မရဘူးတဲ့။
အလုပ်သမားတွေရဲ့ သက်ပြင်းချသံမှာ
ကိုယ်ခန္ဓာက ရေငွေ့တွေ ပါသွားတယ်။

ဦးတည်ရာမသိရတဲ့ ခရုပတ်သဏ္ဍာန်
လေထုနဲ့ နှင်းရနံ့သင်းသင်း နမ်းရှိုက်ခံလိုက်ရတဲ့
နောက်ဆုံးလက်ကျန်
သစ်ရွက်လေးဟာ တုန်ရီဖျော့တော့စွာ
တွဲခိုနေရှာ၊
ကောင်းကင်မှာ လွှင့်မျောနေတဲ့ ရေခဲတောင်ကြီးဟာ
မိုးအဖြစ်၊ နှင်းအဖြစ်
လက်နက်ပုန်းတွေလို ပစ်လွှတ်လာမှာ
သူစိုးရိမ်နေရှာပုံရတယ်။
ဒီဇင်ဘာဆောင်းညမှာ ငွေနှင်းမှုန်ရဲ့
အလင်းယဲ့ယဲ့ဟာ အားနွှဲ့နေရှာတယ်။
တံစက်မြိတ်မှာ ခိုတွဲလာတဲ့ မိုးစက်တချို့ဟာ
ခဏချင်းမှာပဲ အေးစက်စက် ဒါးတလက်လို
ထက်မြတောက်ပလာတယ်။
နှင်းတွေကို ထမ်းပိုးထားတဲ့ ငါ့အိမ်ရှေ့က
နှင်းဆီပင်ပျိုလေးဟာ
ကတိမ်းကယိမ်းနဲ့ သူ့အိန္ဒြေကို ထိန်းဖို့ မတတ်နိုင်ရှာဘူး။

White River မြစ်ရေတွေ ခဲသွားတဲ့အခါ
ငါးတွေ အချမ်းလုံအောင် ဘယ်လိုစောင်ခြုံအိပ်ကြသလဲလို့
မဆိုင်တာ ငါတွေးရင်း
ငါနဲ့ဆိုင်တဲ့ ဗမာပြည်က စစ်ဘေးရှောင်ကလေးတွေ
ဘယ်လို အိပ်ကြသလဲပါ တွေးမိတော့
ငါ့စိတ်တွေ မှုန်မှိုင်းအေးခဲ သွားရတယ်။
ဧရာနဲ့ ချင်းတွင်း သံလွင်မြစ်ရေတွေ
နွေးပါစေလို့ ငါဆုတောင်းမိတယ်။
အသက်ရှုထုတ်လိုက်တဲ့အခါ
ငါ့စိတ်ဟာ အခိုးအငွေ့တွေအဖြစ်
ငါနဲ့ဝေးရာကို လွှင့်ပါးသွားကြတယ်။

ချမ်းငြိမ်း-မှော်၀န်း

#CN
12/22/2022

0 comments

ချမ်းငြိမ်း-မှော်ဝန်းLiterature, ကဗျာ

ကျနော်တို့မြို့လေးရဲ့ ဆောင်းဦးမှတ်တမ်း

ကျနော်တို့မြို့လေးရဲ့ ဆောင်းဦးမှတ်တမ်း

---------------------------
ဒီနှစ်ဆောင်းက ကျနော်မြို့လေးဆီကို ယုန်တကောင်ပြေးလွှားသလို၊
တိုးရစ် ဇာတ်ကားထဲမှာ
အင်ဒီယာနာဂျိုးလီ ရဲ့ ကင်မရာကိုကျောပေးပြီး
လမ်းလျှောက်ပုံလို၊
ဆောင်းဦးဟာ အပူချိန် နိမ့်တုံ မြင့်တုံနဲ့ ရောက်လာခဲ့တယ်။
သစ်ရွက်စိမ်းစိမ်းတွေဟာ သတိမထားမိစဉ်မှာပဲ
ကလေးငယ်တယောက်ဆွဲတဲ့ ပန်းချီကားတချပ်လိုဖြစ်သွားတယ်။
တခါတခါ ကျနော်အမည်မသိတဲ့ ငှက်တအုပ်ဟာ
နီညိုရောင် တိမ်တိုက်တခုလို အလင်းမဖေါက်အောင် စုစုစည်းစည်းလွှင့်မျောလာတတ်တယ်။
ကျနော်စဉ်းစားမိတယ်။
ရိုးတံကျဲကျဲ ဆောင်းမှာ သူတို့ ဘယ်မှာအသိုက်ဖွဲ့ကြသလဲပေါ့။
ဒီအရပ်မှာ ထင်းရူး၊ မေပယ်နဲ့ ဝက်သစ်ချကလွဲရင် ကျန်တာကျနော်မသိတဲ့ အပင်တွေချည်း။
ဆောင်းဦးမှာ ဒီအပင်တော်တော်များက
လိပ်ပြာတွေ ပင်လုံးပြည့် နားနေသလို၊
သင်္ကြန်မိုးတပြိုက်ကျအပြီး ငုနဲ့ ပိတောက်ပန်းတွေ ပင်လုံးပြည့်ပွင့်နေသလို၊ တချို့အပင်တွေက
မီးတောက်တွေ လျှံထွက်နေသလို မြင်ရတယ်။
အဲဒါက သိပ်တော့ မကြာလှဘူးရယ်။
ဆောင်းဦးလေပြင်းတွေက ရေခဲမြားတွေလို
သူတို့အပေါ် ကျရောက်လာတဲ့အခါ၊
လိပ်ပြာတွေလွှင့်ပျောက်၊ ပန်းတွေမြေခ၊
မီးလောင်ကျွမ်းပြီးစ မြင်ကွင်းကို မြင်ရသလို
ရိုးတံကျဲကျဲနဲ့ အကျည်းတန်သွားတော့တယ်။
အအေးဒဏ်ကြောင့် ကန်ရေပြင်တွေက အပျိုစင်တယောက်ရဲ့
ရင်သားလို တင်းတင်းရင်းရင်းဖြစ်လာတဲ့အခါ
ဘဲငန်းတွေက ကျနော့်သူငယ်ချင်းတယောက်
မူးပြီးသီချင်းဆိုသလို စည်းချက်မကျတဲ့
ဂီဂီဂေါ်ဂေါ် အသံပေးပြီး အိန္ဒြေကြီး
တခွဲသားတွေနဲ့ ကားလမ်းတွေပေါ်
မီးရထားတွဲကြီးခုတ်မောင်းသလို တန်းစီပြီး လမ်းသလားကြတယ်။
အဲဒါ အတော်မုန်းစရာကောင်းတယ်ဗျ။
သူတို့ လမ်းသလားချိန်မှာ အစိုးရယာဉ်တန်းနဲ့
တွေ့သလို ကျနော်တို့ကားတွေက ရပ်ပေးကြရတယ်။
ဒီနှစ်ဆောင်းဦးမှာ နှင်းတွေက ၁၀ လပိုင်းမှာ
အလစ်ငိုက်ဝင်တိုက်ခိုက်လာတယ်။
ကြည့်လိုက်ရင် စံပယ်ပန်းတွေဖြူဖြူလွှလွှ
လွင့်မျောနေသလို ထင်ရပေမယ့်
အမျိုးသမီးတယောက် ဒေါသထွက်နေတဲ့အကြည့်လို အေးစက်စက်နဲ့ စူးရဲလှတယ်။
ရေခဲမှတ်အောက်ရောက်နေတဲ့ အပူချိန်ဒီဂရီမှာ
နှင်းစက်တွေ အနမ်းခံရတဲ့အခါ သူ့အထိအတွေ့က ပါးပြင်ကနေ ခြေသန်းလေးအထိ

အအေးဓါတ်ခံစားမှုက သက်ရောက်တယ်။
အလင်းဖေါက်တဲ့ ပြတင်းကနေ နောက်ဖေးနှင်းမြေပြင်မှာ

ရှဉ့်ကောင်လေးတွေ နှင်းနဲ့ဆော့ကစားတာကို ချောင်းကြည့်ရတာ အရသာတမျိုးဗျ။
ဒီကောင်တွေက ဆောင့်ကြောင့်ထိုင်ပြီး လက်နှစ်ဖက် ရင်ဘက်ကပ်ပြီး
လုပ်ခုပ်တီးသလို လုပ်နေပုံက ချစ်စရာကောင်းလှတယ်။
နှင်းလွှမ်းနေတဲ့ညရဲ့ အရောင်ဟာ ငွေရောင်လဲ့လဲ့။
ဆောင်းဦးကို ကျနော်မကြိုက်တာတခုက
ကျနော့် ချဉ်ပေါင်ခင်းတွေခဗျာ စုန်းစုပ်သလို
ရိုးတံနီနီလေးတွေ တွန့်လိမ်ညွှတ်ကျသွားရလို့ပဲ။
ကျနော်တို့ မြို့လေးရဲ့ ရာသီဥတုကိုခန့်မှန်းရတာက
ကမ္ဘာ့ဖလားပွဲ ခန့်မှန်းရသလို ခက်လှတယ်။
ဆောင်းဦးဟာ ဆင်တကောင်ရဲ့ ခွန်အားနဲ့ ကျိုးနွံမှုလို
အပူချိန်ဒီဂရီဟာ အချိုးမကျလှ။
ဒီမြို့လေးရဲ့ ဆောင်းဦးဟာ အရမ်းလှတယ်။
ပြီးတော့အရမ်းလည်း အကျည်းတန်တယ်။
အရမ်းလည်း ချစ်စရာကောင်းတယ်။

ချမ်းငြိမ်း-မှော်၀န်း
#CN
11/24/2022